हरेक महिनाको पहिलो दिनलाई संक्रान्ति भनिन्छ । संक्रान्तिको अर्थ सूर्य एउटा राशिबाट अर्को राशिमा प्रवेश गर्नु भन्ने हुन्छ । संक्रान्तिलाई धन र पुन्य कार्यका लागि विशेष दिनका रुपमा लिइन्छ । यसरी बर्षको १२महिना र हरेक महिनाको पहिलो दिनबाट सूर्यले राशि फेर्ने भएकोले प्रत्येक महिनाको सुरुवात फरक फरक नामका संक्रान्तिबाट सुरु हुन्छ ।
कुम्भ राशिमा रहेको सूर्य आजबाट मीन राशिमा प्रवेशगर्ने भएकोले यस संक्रान्तिलाई मीन संक्रान्ति भनिएको हो । साथै मिन संक्रान्ति बर्षको अन्तिम संक्रान्ति पनि हो । मीन संक्रान्तिका दिनदेखि फागुन महिना समाप्त भई चैत्र महिना सुरु हुन्छ । मीन संक्रान्तिलाई मीना संक्रान्ति पनि भन्ने गरिन्छ ।
चैत्र महिनाको शुरुवात हुने आजकै दिनबाट ऋतुहरुमध्येको सर्वश्रेष्ठ भनेर चिनिने बसन्त ऋतुको शुरुवात हुन्छ । बिभिन्न छ वटा ऋतुहरु मध्ये बसन्त ऋतुलाई नयाँ पालुवा र हरियालीको ऋतुका रुपमा लिइने गरिन्छ । मीन संक्रान्तिका दिन जग्गा जमिनको कारोबार गर्नु निकै फलदायी मानिन्छ ।
- हाम्रो पात्रोको लागि बाबुराम भण्डारीले तयारपार्नु भएको
Liked by:
