आँखा खोल निर्वाचन आयोग | Hamro Patro
DOWNLOAD APPS BY HAMRO PATRO

ब्लग - साहित्य / नेपाली चाडपर्व तथा महत्त्वपूर्ण दिनहरु

आँखा खोल निर्वाचन आयोग





स्वतन्त्र र निस्पक्ष निर्वाचन हाम्रो अभियान,
स्वतन्त्र र स्वच्छ निर्वाचन प्रति म पूर्ण प्रतिबद्ध छु

२० जुन २०१७ मा निर्वाचन आयोगको आधिकारीक फेसबुक पेजमा लेखिएको यो स्ट्याटस वाट शुरु गर्यौ ।
५० औं लाख अनुमानित फेसबुक प्रयोगकर्ता भएको नेपालमा केवल ६०६१ लाइक भएको निर्वाचन आयोगको फेसबुक पेजमार्फत यूट्यूबका निर्वाचन प्रचार साम्रगी र भिडियोहरु शेयर गरिएका छन् । आउनुहोस निर्वाचन आयोगको यू ट्यूब च्यानलको हबीगत पनि बयान गरिहालौ ।
बहुत लगानी गरेर बनाइएको निर्वाचन जागरणका साम्रगीहरुको युट्यूब लीकं को अधिकाशं भ्यू केवल अधिकतम ६०० को हाराहारीमा छ, कतिपय सामग्रीले त १०० को थ्रेसहोल्ड पनि कट्न सकेका छैनन । । अब स्मरण गरौ कस्ता कस्ता बकवास कुराहरुको भ्यू लाखौं भएको यूट्यूबका नेपाली साम्रगीहरुमा निर्वाचन आयोगको यो निरीहता ले हामीलाई के दर्शाइरहेको छ ।
कुल ५१७ सब्सक्राइब भएको निर्वाचन आयोगको यूट्यूब च्यानल दर्दनाक देखिन्छ । आखिर नेपालको ब्युरोक्रेसी सूचना प्रविधिबाट सँधै तर्सिएकै हो, निर्वाचन आयोगले नि यही प्रमाण र बयान दिएको छ ।
निर्वाचन पूर्व जानकारीहरु सबैसामु अझ भनौ मतदातासामु पुर्याउन जरुरी छ र आजको प्रविधिले यस कार्यलाई झन सजिलो बनाएकोमा किन निर्वाचन आयोगले यो दुःख बिसाएको हो ?
केही अगाडिसम्म नेपाल टिभीमा पनि निर्वाचन सम्बन्धी भिडियो आँउदा बैशाख ३१ र जेष्ठ ३१ भनेर नै आएको थियो । चुनावको मिति सर्दा पनि निर्वाचन आयोगको यो लापरवाही अनि ध्यान कमजोर हुनु संयोग मात्र हो त ?
उतातर्फ निर्वाचन आयोगको महत्वाकांक्षी मोवाइल एप ईसिएन एप को पनि डाउनलोड केवल १० हजार देखि ५० हजारसम्म मात्र रहेको छ, के यो दुर्दशा हैन ?
सामान्य पेज बुस्ट गरेर फेसबुकमार्फतै भएपनि निर्वाचनका अपडेटहरु सबैसमक्ष ल्याउने जर्मको नगर्नु निर्वाचन आयोगको लागि एउटा प्रश्न नै हो । गएको निर्वाचनमा भएको अत्याधिक बदर मतवाट सम्म पनि निर्वाचन आयोगले नसिकेको किन होला ?
पार्टीका हरेक उम्मेदवारहरुले स्पोन्सर पेज गरेर डिजीटल प्रोमोमार्फत ढोल पिटिसक्दा पनि निर्वाचन आयोग भित्ते पोष्टर र प्याम्प्लेटमै ब्यस्त छ ।
बेलायतमा घरमा आगो लागेको थाहा पाइसकेका बुङमतीका बाबुले निर्वाचन सम्बन्धी अपडेटस भने आफ्नै देशवाट थाहा पाउन गाह्रो छ । निर्वाचन आयोगको यो प्रविधिप्रतिको उदासिनताले अबको २० वर्षमा फेरि अर्को निर्वाचन भएपनि इलेक्टा्रेनिक्स निर्वाचन भने नेपालीले देख्न नपाउने पक्का छ । मतपत्र च्यातिने क्रम पनि नरोकिएला कि ?
आँखा खोल निर्वाचन आयोग

सुयोग ढकाल




Liked by
Liked by
0 /600 characters
Hamro Patro - Connecting Nepali Communities
Hamro Patro is one of the first Nepali app to include Nepali Patro, launched in 2010. We started with a Nepali Calendar mobile app to help Nepalese living abroad stay in touch with Nepalese festivals and important dates in Nepali calendar year. Later on, to cater to the people who couldn’t type in Nepali using fonts like Preeti, Ganesh and even Nepali Unicode, we built nepali mobile keyboard called Hamro Nepali keyboard.