अहिलेको आधुनिक संसारमा हाम्रो दैनिक जीवनशैलीमा हामीले अत्याधिक मात्रामा बिद्युतको खपत गरिरहेका हुन्छौं । अत्याधिक बिजुली खपतले हाम्रो घर अथवा कार्यालयमा बिजुलीको बिल धेरै आउछ, जुन धेरै घरपरिवारको लागि आर्थिक बोझ हुन जान्छ । यस अतिरिक्त आर्थिक भारलाई कम गर्न यस लेखमा बिजुली खपत कम गर्ने केही प्रभावकारी तथा सरल तरिकाहरू सुझाइएको छ:
१. कम ऊर्जा खपत गर्ने उपकरणहरू प्रयोग गर्ने:
रेफ्रिजरेटर, वाशिङ मेशिन र एयर कन्डिसनरहरू जस्ता उपकरणहरूको लागि किनमेल गर्दै हुनुहुन्छ भने कुन उपकरणले थोरै ऊर्जा खपत गर्छ भनेर खोज्नुहोस् र खरिद गर्नुहोस् । ईनर्जी स्टार लेबल अकिंत उपकरणहरूले ऊर्जा खपत कटाैती गर्न मद्धत हुन्छ ।
२. प्रयोगमा नभएको बेला उपकरणहरू प्लगबाट अलग गर्नुहोस्:
धेरै उपकरणहरू बन्द हुँदा पनि बिजुली खपत गरिरहेको हुन्छ । यसलाई "स्ट्यान्डबाइ पावर" भनिन्छ र यसले तपाईंको घरको बिजुलीको खपतमा १०% सम्म वृद्धि गर्न सक्छ । स्ट्यान्डबाइ पावर कम गर्न, टिभी, चार्जर लगायतका उपकरणहरू प्रयोग नगर्दा यन्त्रहरू अनप्लग गरेर राख्नुहोस् ।
३. प्राकृतिक उज्यालो तथा ऊर्जाको प्रयोग गर्नुहोस्:
बिजुली खपत कम गर्न प्राकृतिक उज्यालोलाई सदुपयोग गरेर गर्न सकिन्छ । घरमा सूर्यको किरण आउने समयमा पर्दाहरू खोल्ने र साैर्य ऊर्जा (सोलार) को प्रयोग गर्दा पनि विद्युतको महशुल धेरै कम हुनेछ । घर वरिपरि रूख तथा बिरुवाहरू रोप्नाले छाया प्रदान गर्छ, जसले गर्मीमा तपाईंको घरलाई चिसो राख्छ र बिजुली उपयोग कम गर्न मद्दत गर्दछ ।
४. कम विद्युत खपत गर्ने बल्बहरू प्रयोग गर्नुहोस्:
एल् ई डी वा अन्य कम ऊर्जा खपत हुने बल्बहरू बदल्नुभयो भने यसले परम्परागत फिलामेन्ट बल्बहरू भन्दा ७५-८०% सम्म कम बिजुली प्रयोग गर्छन्, जसको मतलब तपाईंले आफ्नो बिजुलीको बिलहरूमा पैसा बचत गर्न सक्नुहुनेछ । त्यति मात्र होइन, एल् ई डी वा अन्य कम ऊर्जा खपत हुने बल्बहरू धेरै लामो समयसम्म पनि टिक्छन् ।
५. नियमित मर्मत संभार
यदि हजुरहरूको टिभी, फ्रिज वा अन्य उपकरणहरूमा असमान्य आवाज आइरहेको छ भने त्यसले धेरै विद्युत खपत गरिरहेको हुन्छ । आफ्नो घरको उपकरण तथा वाइरिङहरूको नियमित मर्मत संभार गर्नुपर्छ जसले हजुरहरूको बिजुलीमा हुने खर्च जोगाउन सक्नुहुन्छ ।
६. आफ्नो बिजुली बिल ट्रयाक गर्नुहोस्
बिजुली खपत मापन नगरीकन, प्रगति जाँच गर्न गाह्रो छ - त्यसैले तपाईंले हरेक महिना बिजुली बिल ट्र्याक गर्नुहोस् । र यदि हामीले HamroPayबाट भुक्तानी गर्छौं भने - खर्चहरू ट्र्याक गर्न धेरै सजिलो छ ।
अन्तमा, बिजुली खपत घटाउनु भनेको दिगो जीवन शैली बाँच्नको लागि महत्त्वपूर्ण कदम हो । यहाँ सुझाइएका सरल उपायहरू अपनाएर, हजुरहरूले विद्युतमा पैसा बचाउनुका साथै वातावरण संरक्षणमा उल्लेखनीय योगदान गर्नुहुनेछ ।
अब विद्युतको महशुल हाम्रो पात्रोबाट नै तिर्न सकिन्छ । हाम्रो पात्रो भित्र रहेको हाम्रो पे मार्फत सहजै र समयमै भुक्तानी गर्नुहोस् । (नोट: विद्युत महशुल हजुरले बिल आएको ७ दिन भित्र बुझाउनु भयो भने २ प्रतिशत छुट पाउनुहुन्छ ।)
Liked by:
