आजको संसारमा मोबाइल फोन हाम्रो दैनिक जीवनको अत्यावश्यक हिस्सा भएको छ । चाहे यो परिवार र साथीहरूसँग सम्पर्कमा रहन होस् या इन्टरनेट ब्राउजिङ गर्न । कहिलेकाही जानकारीको लागि होस् या कहिलेकाही मनोरञ्जनको लागि, उद्देश्य जे भएपनि हामी आफ्नो फोनमा निर्भर हुने गर्दछौं । त्यसैले यदि हामी सावधान भएनौं भने हाम्रो फोनहरू टपअप गर्दा थुप्रै पैसा खर्च हुनसक्छ । ति खर्चहरू कम गर्न हामी केही सरल तरिकाहरू अपनाउन सक्छौं ।
१. सही योजना / प्याकहरू छान्नुहोस्:
यदि तपाईंहरू अत्याधिक फोन कलहरू गर्ने कार्यमा संलग्न हुनुहुन्छ भने असीमित कलिङ मिनेटहरू सहितको योजना र ईन्टरनेट धेरै चलाउने कार्यमा संलग्न हुनुहुन्छ भने असीमित डेटा सहितको योजना (प्याकेज)हरू प्रयोग गर्नुहोस् । योजना/प्याकहरू छनाैट गर्दा तपाईंको बजेट भित्र र आवश्यकताहरू अनुरूपको योजनाहरू खरिद गर्नुहोस् ।
२. Wi-Fi प्रयोग गर्नुहोस्:
डाटाको धेरै उपयोग गर्दा टपअपको खर्च बढ्छ । घरमा या कार्यालयमा हुँदा त Wifi कै प्रयोग गरिएपनि बाहिर निस्किदा डाटा चलाउने हामी मध्ये धेरैको बानी हुनसक्छ। तर बाहिर पनि आजकाल धेरै स्थानहरूमा Free Wifi उपलब्ध हुने हुँदा सकभर Wifi नै प्रयोग गरेर डाटाको खपत कम गर्नुहोस् ।
३. आवश्यक नभएको बेला डाटा बन्द गर्नुहोस्:
डाटा खुलिरहेको बेला आन्तरिक रूपमै ईन्टरनेटको प्रयोग भइरहेको हुन्छ जसले फोनको खर्च बढ्छ । जब हजुरहरूले डाटाको प्रयोग गर्नुहुन्न तब अनावश्यक खर्चहरूबाट बच्नको लागि डेटा बन्द गर्नुहोस् । कहिलेकाही Wifi होला भनेर झुक्किएर डाटा चलाइरहेको हामीलाई पत्तै हुँदैन । आफ्नो काम सकिनेबित्तिकै डाटा बन्द गर्ने बानी भयो भने यसरी झुक्किएर बढी डाटा चलाउने बानी पनि हट्छ ।
४. नि:शुल्क म्यासेज र कल गर्ने एपहरू प्रयोग गर्नुहोस्:
WhatsApp, Viber, र Skype जस्ता धेरै नि: शुल्क सन्देश र कलिङ एपहरू उपलब्ध छन् जसको प्रयोग गरि निःशुल्क कल गर्न र म्यासेजहरू पठाउन सक्नुहुन्छ । यी एपहरू प्रयोग गर्नाले तपाईंको फोनको टप-अप खर्च घटाउन मद्दत गर्छ ।
५. अनावश्यक खरिदहरूबाट बच्नुहोस्:
तपाईंले प्रयोग गर्ने मोबाइल नेटवर्कले तपाईंलाई विभिन्न आकर्षक प्याकेजहरूको जानकारी दिन एसएमएसहरू पठाउने गरेका हुन्छन्। तर, कुन प्याकेज या योजनाहरू तपाईंलाई सुहाउँदो छन् तपाईंले बिचार गरेर मात्र खरिद गर्नुहोला ।
६. आफ्नो टपअपको खर्च ट्रयाक गर्नुहोस्:
हामीले आफूले मोबाइलमा हालेको ब्यालेन्सको खर्चको कहिले पनि रेकर्ड राख्दैनौं । यदि रेकर्ड राख्ने बानी भयो भने खर्चहरू कसरी कम गर्न सकिन्छ भनेर स्पष्ट हुन सकिन्छ । अहिले HamroPay मा रहेको Analytics मार्फत तपाईंहरूले टपअपमा कुन महिना कति खर्च भईरहेको छ भन्ने जानकारी पाउनुहुनेछ, जसले तपाईंहरूको फोन टपअपको खर्च निगरानी गर्दै त्यसलाई कम गर्न मद्धत गर्दछ ।
यी टिप्सहरू अपनाउनुभयो भने, तपाईं फोन टप-अपमा खर्च कम गर्न सक्नुहुनेछ । तपाईंले HamroPay बाट सहजै मोबाइल टप अप गर्न सक्नुहुनेछ, यसरी टपअप गर्दा तपाईंले आकर्षक क्यासब्याक समेत प्राप्त गर्नुहुनेछ ।
Liked by:
