पहिलो भेटमै नजरमा रहयौ,
यो मन भित्र पनि बसेर तँ हेर ...।
जहाँ छन सपनाहरू आखाको तरेलीमा,
तरेली संगै यी आखाको नानी भित्र पसेर तँ हेर ...।।
खडेरी भूमि जस्तै उजाड उजाड छ यो मन,
प्यासी यो मनमा वर्षा जस्तै खसेर तँ हेर...।
कस्ले देख्ला भित्री रोदन जहाँ पिडा लुकेको छ ,
दु:ख संगै सुख साटी कहिले हासेर तँ हेर ...।।
सुखमा सबै हात मिलाए दु:खमा पो छैनन् ,
आफ्नै खुशी लूटाई कसैको पिडा खोसेर तँ हेर ।।
पहिलो भेट्मै नजरमा रहयौ,
यो मन भित्र पनि बसेर तँ हेर ।
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस् ।
Liked by:
