जब पाक्छ चुलोमा ढिँडो र गुन्द्रुक आँखा रसाउँछन्
सम्झेर जवान छोरो र काँधमा बन्दुक आँखा रसाउँछन्
करेसामा गुराँस फुलाउने सपना सजाएको ढाक्रेले
पाइलैपिच्छे भेट्छ दुर्घटित मुलुक आँखा रसाउँछन्
देश बनाउने सहिदका सपना दुखिराछन् अझै पनि
मलमपट्टीको साटो लगाउँछन् नुनचुक आँखा रसाउँछन्
बाहिर निस्कन मन छैन ननिस्के त जीवन नै रहन्न
निस्किनसाथ खडा हुन्छन् साहु र तमसुक आँखा रसाउँछन्
Liked by:
