तिम्रा मेरा आँखा जुध्दा रिसाउने पो कोही छ कि
अन्तै तिम्रो मनको कुरा बिसाउने पो कोही छ कि?
तिमी जस्ती परि पाए छोड्थ्यो होला कस्ले यहाँ
हिँड्दा बाटो झ्यालमा बसी सुस्याउने पो कोही छ कि?
गोरी अल्ली हैन रैछ , कालै रैछ बर्ण
काली भनी सानीलाई खिस्याउने पो कोही छ कि?
जीवनको खोला तर्दा लाग्छ ठेस , झर्छ आँशु
झर्दा आँशु, त्यसमा हाँसो मिसाउने पो कोही छ कि?
तिम्रो दु:ख आफ्नै थानी लाग्दा चोट तिमीलाई
आँशुले त्यो परेली आफ्नो भिजाउने पो कोही छ कि?
-------
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस्।
Liked by:
