कहिले सासुसँग लड्छे कहिले ससुरासँग,
खै किन लड्छे ऊ यसरी बेतुकका कुरासँग ?
केहि अह्राउनै हुन्न सनक्कै सन्किन थाल्छे,
रीस पोख्न थाल्छे त्यसै बाख्रा, कुखुरासँग ।
साह्रै नराम्रो बानी छ उसको मुखमुखै लाग्ने,
दाँज्दा हुन्छ त्यो मुखलाई चक्कु अनि छुरासँग ।
ऐना हेर्दै दल्छे मुखमा अनेक थरी लेपहरू,
रुची रैछ उसका ती लाली पाउडर चुरासँग ।
लाग्छ उसको लक्ष्य नै हो ठूलै माछा समाउने,
ठूलै मात्र मन पराउँछे वास्तै छैन भुरासँग ।।
-----
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत [email protected] मा इमेल पठाउनुहोस्।
Liked by:
