कुमार थापा - Mar 06 2025 जिन्दगी यो प्रेम रथ हो साथ मिल्दा चल्न सक्छ
सूर्य जस्तै बन्छु भन्दा देह आफ्नै जल्न सक्छ
एकतामा हुन्छ तागत जोड राम्रो संगठनको
हेर एक्लो जिन्दगीमा खास कम्ती खल्न सक्छ
कर्म जस्तो हुन्छ हाम्रो मिल्छ फल उस्तै धरामा
गर्नु पौरख हौसलाले बीज सुन्दर फल्न सक्छ
प्रेम यस्तो प्रेरणा हो गर्छ चर्चा खास मान्छे
रोग मात्रै हेर होइन प्राण सङ्कट टल्न सक्छ
रङ्ग भर्दै साथ बाचौँ जिन्दगीको अर्थ खोज्दै
आज भन्दा भोलि भन्दा यो जवानी ढल्न सक्छ।
Liked by:
