ब्लाइण्ड अडिशनको छैठौं श्रृंखलामा सहभागी सुजाता थापाको अग्रेंजी गीत “आम इन लभ विथ द शेप अफ यू” मा बजर थिचेर अघिल्तीर फर्केका कोच दिपले अन्य अडिशनमा पनि आफूले आफ्नो समयमा अग्रेजी गीत गाएको र बजाएको बताउँदै आउनुभएको छ ।
तपार्इ द भ्वाइस अफ नेपाल अवस्य पनि हेर्दैहुनुहुन्छ किनकी तपाइकै सजिलोका लागि नेपाली रियालीटि सोको इतिहासमा प्रथम पटक टिभी, यूट्यूब तथा तपाइको प्रिय एप्लिकेशन हाम्रो पात्रोमा प्रशारण व्यवस्था गरीएको छ ।
हरेक साता शनिबार र आईतबार कान्तिपुर टिभीमा राती ९ बजेपछि र हाम्रो पात्रो मोबाईल एप्समा त्यसै दिन राती १० बजे पछि अनि भ्वाइस अफ नेपालको यूट्यूब च्यानलमा प्रसारण भएका ताजा सिरिजहरु हेर्न सकिनेछ । नेपाली सङ्गीतमा बुवा पुस्तादेखि नवपुस्तासम्म लोकप्रिय रहेका कोचहरुले आआफ्नो समूह बनाउने क्रम जारी छ, ब्लाइण्ड अडिशनका श्रृंखलाहरु चलिरहेका छन् । यसपश्चात् ब्याटल राउण्डमा द भ्वाइस अफ नेपाल प्रवेश गर्नेछ ।
ब्लाइण्ड अडिशनबाट चारैजना कोचले आआफ्नो समूहमा १२ जनाको छनौट गरेर ब्याटल राउण्डमा अा अाफ्नो दावी प्रस्तुत गर्दछन् । अब समूहमा ब्याटल राउण्ड हुने र कोचहरुको समूहबिच नै उत्कृष्टताका लागि प्रतिस्पर्धा हुने भएका कारणले यस भ्वाइस सिरिज ट्यालेन्टहरुका लागि मात्र नभई कोचको लागि समेत एउटा चुनौतीयूक्त परीक्षा हो ।
ब्लाइण्ड अडिशन उत्तरार्ध तिर लगभग आइपुग्दा कुन कोचको समूह कतिको बलियो छ त भन्ने खुल्दुली द भ्वाइस अफ नेपाल मनपराउनुहुने दर्शकहरुमा भएको हुनुपर्छ । के छ त खबर साथीहरु ?
आज म यसै कुरामा केन्द्रित हुन चाहन्छु, नेपाली सङ्गीतका चारकिल्ला चारवटै कोचहरुले रोजाइबाट तयार भएको समूह अनि उनीहरुको संभावना र सार्मथ्यको कुरा गरौं । हुन त द भ्वाइसको ब्लाइण्ड अडिशनमा कुनैपनि कोचको रोजाइमा पर्नु आफैमा एउटा ठूलो उपलब्धि हो। ट्यालेन्टहरुको खुबी हो तथापि अब शुरु हुन्छ ट्यालेन्ट मध्येका उत्कृष्ट ट्यालेण्टेड भ्वाइसहरुबिचको प्रतिस्पर्धा । खोजि छ त्यस भ्वाइसको जो बन्ने छ “द भ्वाइस अफ नेपाल” ।
टिम दीप
नेपाली सङ्गीतका गौरवशिखर मूर्दन्य सङ्गीत प्रतिभाका धनी दीप श्रेष्ठका कैंयन कालजयी गीतहरु सुन्दै दुर्इ फरक यूगका नेपाली पुस्ता हुर्किएकाछन् । उनलाई उनका मौलिक शब्द, भाव, सङ्गीत चयन तथा गायन शैलीका लागि बिशेष मानिन्छन् । उमेरले त दीप श्रेष्ठ अन्य कोचहरुका तुलनामा पाका मात्र हैन पिता नै छन् तथापि ब्लाइण्ड अडिसनमा अहिलेसम्म उनको छनौटमा परेका सहभागीहरु कति त उनकै धारका लाग्छन् भने कतिको छनौट भने दर्शकका लागि अप्रत्याशित, अनुमानरहित बन्न पुगेको छ ।
वहाँले गर्नुभएको गीतको चयन र गायकीमा अहिलेसम्मका एपिसोडमा धेरै पटक पश्चिमा गीत र सङ्गीतप्रतिको रुचि र नवपुस्ताको स्वालप्रति आफूपनि अनभिज्ञ नभएको प्रमाणित गर्नुभएको छ । ब्लाइण्ड अडिशनको छैठौं श्रृंखलामा सहभागी सुजाता थापाको अग्रेंजी गीत “आम इन लभ विथ द शेप अफ यू” मा बजर थिचेर अघिल्तीर फर्केका कोच दिपले अन्य अडिशनमा पनि आफूले आफ्नो समयमा अग्रेजी गीत गाएको र बजाएको बताउँदै आउनुभएको छ ।’द भ्वाइस अफ नेपाल’को यस पहिलो सिजनमा धेरैले यी महान कलाकारको अावाजबाट अङ्ग्रेजी सङ्गीत पनि सुन्न नपाउलान भन्न सकिन्न । अहिलेलार्इ यो कुरा ’द भ्वाइस अफ नेपाल’को गर्भमैं रहोस् ।
दिपको समूहमा बलिया ट्यालेन्टहरु छन् जो खारिएका अनि विभिन्न मौलिक र भौगोलिक साङ्गीतिक स्वादहरु बोकेर आएका छन् । वीरगञ्जका विवेक परियार यी मध्यका एउटा खारीएका आवाज हुन भने सुदूपश्चिमका जनक ताम्राकार पनि समूह दीपका प्रमुख ताकत हुन् ।
यसका अलावा बुटवलका अंकित श्रेष्ठ जो अलग्गै जनराका गायक हुन् । दीपको टोलीका लागि अंकितको पनि दमदार साथ रहनेछ भने शास्त्रिय तर्फ लभ राज सापकोटा जस्ता खारिएका आवाजहरु दिप टोलीका उज्याला प्रकाश रहेका छन् । समग्रमा कहिं कतै कुनै पनि पक्षबाट कोच दीपको समूह कमजोर पाइन्न र अब उनको कोचिङ र उनको रोजाइका ट्यालेन्टहरुको प्रस्तुतिहरु आगामी दिनमा द भ्वाइस अफ नेपालका सिरिजमा सबैले देख्नेछौं । कोच दीप श्रेष्ठलाई शुभकामना!
टिम अभाया
दिपको छेउमै छिन कोच अभया र धेरैजसो रक अनि वेस्टर्न गाउने ट्यालेन्टले रुचाएका यिनको आफ्नो रोजाई, यिनको अभिव्यक्ति शैली अनि खुट्टाले बजर थिच्ने तरिकाका कारण पनि चर्चित छिन् यसवर्षको द भ्वाइस अफ नेपालमा । यिनको समूहमा पनि बिभिन्न धार अनि प्रकृतिका ट्यालेन्टहरु छन् जो केवल रक या पपमा मात्र नभई अन्य विधामा पनि दख्खल राख्दछन् । रितिश रसाइली जो तुलसी आँगनमा रोपौंला जस्तो विशुद्ध मौलीक नेपालीपनाको स्वाद पस्किन त्यहाँ पुगेका थिए, तिनलार्इ अभयाले अाफ्नो पोल्टोमा पार्न खासै समय लगाइनन । रसाइली बाहेक बिराटनगरका सुजय, झापाका कुशल आचार्य र काठमाडौं की श्रेया राई पनि टीम अभयाका बलिया खम्बा भएर उभिएका छन् ।
आफ्नै बिधार्थी आश्रा कुँवरको दमदार प्रस्तुतिलार्इ सगौरव कार्यक्रममै अभिव्यक्त गर्न अभायाले कुनै कञ्जुस्यार्इ गर्नुभएन । टिम अभायाको अर्को भविष्यको रकस्टार हुन् आक्षा कुँवर ।
टिम अभयामा भोजपुरका सारंगि बाधक सुवास गन्धर्भ पनि छन् र गन्धर्भ बाधक सुभाष अभयाको समुहमा हुनु र अंग्रेजी गायिका सुजाता थापा टिम दिपमा रहनु एउटा रोमाञ्चक कुरा हो, हैन र ? समग्रमा अभाया पनि बलियो समूहका साथमा उभिएकी छिन् र बाँकीका ३ कोचका समूहलाई उनको टोलीले कडा चुनौति दिन सक्नेछ । कोच अभायालार्इ उनको रकिङ्ग टोलीका लागि शुभकामना!
टिम सनुप
कोच सनुप पौडेल र द भ्वाइस अफ नेपालबिचको सम्बन्ध संयोग रोचक छ । अाजसम्मको नेपाली साङ्गीतिक यात्रमा एक से एक कर्णप्रिय गीत पस्किएका यिनको पहिलो एल्बमको नाम नै भ्वाइस थियो । उनी यस द भ्वाइस अफ नेपालको पहिलो सिजनमा सङ्गीतका अनेक अङ्कगणितलार्इ बिचार गरेर बल्ल निर्णय लिने प्रतियोगीले प्रस्तुति दिइरहँदा गायनको अन्तिम लाइनसम्म निर्णय लिन समय लगाउने हेभीवेट कोचका रुपमा छन् । तथापि यि कोचको टोलीमा जाने इच्छा अत्याधिक ट्यालेन्टहरुले देखाएको पाइन्छ ।
बुवा र छोरा संगै अडिशन दिन आएका तर छोरा सप्तकले नविन भटराईको गीतलाई गज्जबले गाइदिए । फरक अावाजको टेक्स्चर भएका ट्यालेन्ट सप्तकलार्इ कोच सनुपले अाफ्नो टोलीको सदस्य बनाउन अाधा गीत मात्र सुने, धेरै कुरी बसेनन । सप्तकको भर्साटाइल गायन टिम सनुपको एउटा मजबुत खम्बा हुन सक्दछ भने अर्कोतर्फ बिधा तिवारीको मदहोश आवाज, आशिष गुभाजुको स्वरको मिठासले पनि टिम सनुपलाई बलियो टोली बनाइदिएको छ । बुटवलका सन्तोष राना, गोर्खाका राजेश बालकोटी लगायत थुप्रै मोफसलका मौलिक आवाज र गायकीहरु टोली सनुपमा समायोजीत भएका छन् । सनुपको टोली पनि कुनै कतै कमजोर पाइन्न्, आगामी दिनमा ब्याटल राउण्डमा सनुपको छनौट अनि कोचीङले कस्तो रङ ल्याउने हो त्यो हेर्न बाँकी छ ।
टिम प्रमोद
उनका सयाैं गीतहरु झै द भ्वाइस अफ नेपालको यो पहिलो सिजनमा सर्वाधिक लोकप्रीय र प्रतियोगीका रोजाइमा पर्ने कोचमा पर्दछन् कोच प्रमोद । उनी अाफूलार्इ मनपरेका ट्यालेन्ट अाफ्नो टोलीमा पार्न अनेक कलाकारको क्यारीकेचर गर्छन्, प्रतियोगी तर्फबाट अनुरोधमा परेका गीत गाइदिन्छन् । ४ वटै कोचले बजर थिचेका अधिकांश अवस्थामा प्रतिस्पर्धीहरुले प्रमोदलाई छनौट गरेर अघि बढेको पाइयो । शास्त्रिय रागमा अब्बल सुशिल गड्तौलादेखि आसामबाट आएकी स्वर किन्नरी सुरेखा क्षेत्रिसम्म टिम प्रमोदका दमदार हिस्साहरु हुन् । उता सारङ्गी बोकेर आएकी बर्ता गन्धर्वदेखि दीप श्रेष्ठकै “मेरो आँखामा हरपल” बोलको गीत गाएर प्रमोदको टोलीमा आएका योगेन्द्र उपाध्याय पनि टिम प्रमोदका आशाहरु हुन् । बिजय अधिकारी र धरानका सुरज तामाङ रहेका प्रमोदको टोली अन्य ३ कोचका तुलनामा कुनैपनि हिसाबले कमजोर देखिदैनन । आँउदा श्रृंखलाहरुमा प्रमोदको कोचीङ अनि उनले छनौट गरेका ट्यालेन्टहरुको गायकीमा सबैकुरा छर्लगं हुने पक्का छ । हालका लागि कोच प्रमोदको टोलीलाई शुभकामना!
चारवटै कोच र वहाँहरुले तयार पार्नुभएको ट्यालेन्टसम्मिलित टोलीलाई ब्याटल राउण्डका लागि शुभकामना! अझै रोचक अनि रोमाञ्चक हुँदैछ यस प्रथम सिजनको “द भ्वाईस अफ नेपाल”का श्रृंखलाहरु । आजलाई अति नै, अर्को लेखमा फेरि भेट्न आउनेछु ।
---
“द भ्वाईस अफ नेपाल”का लागि सुयोग ढकाल
Liked by:
