राशिफल

चु, चे, चो, ला, लि, लु, ले, लो, अ

साताको प्रारम्भमा आर्थिक लाभ रहनेछ। शेयर बजार वा ठेक्कापट्टाबाट मनग्य लाभ आर्जन गर्न सकिनेछ। व्यापार व्यवसायमा नँया अनुबन्धहरू मिल्छ। साताको मध्यमा वैदेशिक रोजगारबाट लाभ प्राप्त हुनेछ। स्वास्थ्यलाई लिएर चिन्ता रहनेछ। साताको अन्तिममा कला वा साहित्यको क्षेत्रमा सफलता मिल्नेछ। राजकीय मामिलाहरू सुल्झिनेछ। यो साताको शुभ रंग सेतो र निलो हो भने शुभ अंक २ र ७ रहेको छ।

इ, उ, ए, ओ, वा, वि, वु, वे, वो

साताको प्रारम्भमा विवादास्पद कार्य सम्पादन गर्नमा सफलता मिल्नेछ। घर परिवारमा मांगलिक कार्यको रूपरेखा बन्नेछ। पारिवारिक उल्झनमा समय बित्नेछ। साताको मध्यमा आर्थिक लाभको स्थिति बनिरहेको छ। नयाँ कार्यको थालनीको लागि समय उपयुक्त रहेको छ। घरमा साना बालबच्चालाई लिएर चिन्ता रहनेछ। साताको अन्तिममा कार्यक्षेत्रमा मान सम्मानमा कमी आउन सक्छ। न्यायिक वा कानुनी मामिलाहरूमा सजगता अपनाउनुहोस्। व्यापार व्यवसायमा लाभ आर्जनको लागि धेरै मेहनत गर्नुपर्ने हुन्छ। यो साताको शुभ रंग पहेलो र हरियो हो भने शुभ अंक ३ र ९ रहेको छ।

का, कि, कु, घ, ङ, छ, के, को, हा

साताको प्रारम्भमा आध्यात्मिक ज्ञान तर्फ झुकाव रहनेछ। विद्यार्थीहरूलाई पठनपाठनमा शिक्षकको साथ र सहयोग मिल्नेछ। साताको मध्यमा व्यापार व्यवसायमा पिताको सहयोग मिल्नेछ। कार्यक्षेत्रमा पदोन्नतिको लागि नयाँ अवसर प्राप्त हुनेछ। शत्रुहरूलाई पनि आफ्नो लगनशीलताले आफूतर्फ झुकाउन सकिनेछ। साताको अन्तिममा संचित धनमा वृद्धि हुनेछ। घरपरिवारमा आफूभन्दा ठूलाको सहयोग मिल्नेछ। श्रमको उचित मूल्यांकन मिल्नेछ। यो साताको शुभ रंग रातो र सेतो हो भने शुभ अंक ४ र ५ रहेको छ।

हि, हु, हे, हो, डा, डि, डु, डे, डो

साताको प्रारम्भमा स्वास्थ्यलाई लिएर चिन्ता रहनेछ। कार्यक्षेत्रमा बोलिको विपरीत अर्थ लाग्नसक्छ। राजनीतिक क्षेत्रमा जनसमुदायमा कमी आउनेछ। साताको मध्यमा धार्मिक कार्यमा समय बित्नेछ। आफन्तहरूको राम्रो साथ र सहयोग मिल्नेछ। साताको अन्तिममा कानुनी समस्याहरूमा विजय प्राप्त गरिनेछ। नोकरी वा पेशामा मन अनुरुप कार्य गर्न सकिनेछ। साहसिक निर्णयहरूमा सफलता मिल्नेछ। व्यक्तित्वलाई सरल बनाउने प्रयास गर्नुहोला। यो साताको शुभ रंग रातो र गुलाबी हो भने शुभ अंक ३ र ६ रहेको छ।

मा, मि, मु, मे, मो, टा, टि, टु, टे

साताको प्रारम्भमा साझेदारी व्यापारबाट लाभ आर्जन गर्न सकिनेछ। नँया योजनाहरूको सुरुवात हुनेछ। साताको मध्यमा सामाजिक दायित्व निर्वहनमा बाधा हुनेछ। नोकरी वा पेशामा शत्रुहरूले खुट्टा तान्नेछन्। सवारी साधनमा धन खर्चका योग छन्। साताको अन्तिममा गृहणीहरूको गृहकार्यको साथ धर्म कर्ममा पनि मन लाग्नेछ। घरमा मांगलिक कार्य सम्पादन हुनाले मन प्रसन्न रहनेछ। यो साताको शुभ रंग हरियो र निलो हो भने शुभ अंक ६ र ९ रहेको छ।

टो, पा, पि, पु, ष, ण, ठ, पे, पो

साताको प्रारम्भमा विद्यार्थीहरूलाई प्रतियोगी परीक्षामा सफलता मिल्नेछ। उच्च पदस्थ व्यक्तिहरूको सहयोग मिल्नेछ। साताको मध्यमा व्यापार व्यवसायमा जीवनसाथीको सहयोग मिल्नेछ। अविवाहितहरूलाई विवाहको प्रस्ताव आउनेछ। भौतिक संसाधनहरू संग्रह गर्नमा सफल भइनेछ। साताको अन्तिममा व्यावहारिक कुशलताको कमीले घरमा आन्तरिक कलह हुने सम्भावना रहेको छ। सदैव भगवान शंकरलाई जल अर्पण गरेर दिनको सुरुवात गरौं। यो साताको शुभ रंग हरियो र पहेलो हो भने शुभ अंक ५ र ७ रहेको छ।

रा, रि, रु, रे, रो, ता, ति, तु, ते

साताको प्रारम्भमा सन्तानको प्रगतिले मन प्रसन्न रहनेछ। प्रेम सम्बन्ध सुमधुर रहनेछ। पितासँग मनमुटावका योग छन्। साताको मध्यमा व्यापार व्यवसायलाई लिएर गरिएको यात्राबाट लाभ प्राप्त हुनेछ। वित्तीय वा सहकारी संस्थाबाट लाभ मिल्नमा बाधा हुनेछ। स्वास्थ्यमा पेट सम्बन्धी समस्या रहनेछ। पौष्टिक र सादा भोजनको सेवन गर्ने प्रयास गर्नुहोला। साताको अन्तिममा कार्यक्षेत्रमा सहयोगीहरूको सहयोग मिल्नेछ। विद्यार्थीहरूको बौद्धिक क्षमताको विकास हुनेछ। यो साताको शुभ रंग रातो र खैरो हो भने शुभ अंक १ र ८ रहेको छ।

तो, ना, नि, नु, ने, नो, या, यि, यु

साताको प्रारम्भमा पुरानो कुरालाई लिएर परिवारसँग मनमुटाव हुन सक्छ सचेत रहनुहोस्। चिताएको कार्यसम्पादन हुन गाह्रो हुनेछ। साताको मध्यमा व्यापार व्यवसायमा लाभ रहनेछ। समस्या दर्शाउँदा सहयोगी जनहरूले साथ दिनेछन्। साताको अन्तिममा श्रम धेरै परेपनि कार्यक्षेत्रबाट राम्रो लाभ आर्जन गर्न सकिनेछ। पिताको साथ र सहयोगले मन प्रसन्न रहनेछ। सदैव गणेशजीलाई दुवो अर्पण गरेर दिनको प्रारम्भ गरौं। यो साताको शुभ रंग रातो र खैरो हो भने शुभ अंक ३ र ८ रहेको छ।

ये, यो, भा, भि, भु, धा, फा, ढा, भे

साताको प्रारम्भमा साझेदारी व्यापारबाट लाभ मिल्नेछ। समाजमा प्रतिष्ठित कार्य प्रारम्भ गर्न सकिनेछ। साताको मध्यमा कार्यक्षेत्रमा सहयोगी वर्गहरूले सोचेजस्तो सहयोग नदेलान्। विश्वासपात्रबाट धोखा मिल्न सक्छ सचेत रहनुहोस्। साताको अन्तिममा धर्मकर्ममा रुचि बढ्नेछ। स्वरुचीको कार्य मिल्नाले मन आनन्दित रहनेछ। सदैव देवी दुर्गालाई रातो फूल अर्पण गरेर दिन प्रारम्भ गरौँ। यो साताको शुभ रंग गुलाबी र सेतो हो भने शुभ अंक ७ र ९ रहेको छ।

भो,जा,जि,जु,जे,जो,ख,खि,खु,खे,खो,गा,गि

साताको प्रारम्भमा मान सम्मानमा वृद्धि हुनेछ। कार्यक्षेत्रमा प्रभाव बढ्नेछ। साताको मध्यमा विद्यार्थीहरुलाई रचनात्मक र कलात्मक क्षेत्रमा सफलता मिल्नेछ। नोकरी वा पेशामा आयका नयाँ स्रोतहरू बन्नेछन्। साताको अन्तिममा व्यापार व्यवसायमा नयाँ प्रतिद्वन्दीहरू बढ्नेछन्। कार्यक्षेत्रमा सीनियर वा जुनियरको सहयोग मिल्नेछ। कमिसन वा साझेदारीमा कार्य गर्नेहरूलाई यो समय चुनौतीपूर्ण रहनेछ। यो साताको शुभ रंग निलो र पहेलो हो भने शुभ अंक ६ र ७ रहेको छ।

गु, गे, गो, सा, सि, सु, से, सो, दा

साताको प्रारम्भमा पिताको कार्यक्षेत्रमा प्रगतिले मन प्रसन्न रहनेछ। कारोबारको विस्तारको लागि दीर्घकालीन योजनाहरू बन्नेछन्। शेयर बजारतिर निवेश गर्दा जानकारको सल्लाह अवश्य लिनुहोस्। वैदेशिक शिक्षाको लागि गरिएको योजनाहरू सफल रहनेछन्। साताको अन्तिममा विद्यार्थी वर्गहरूको तर्कशक्तिमा वृद्धि हुनुका साथै पढाइमा मन लाग्नेछ। नयाँ नोकरीको खोजमा सफलता प्राप्त हुनेछ। सदैव गायत्री मन्त्रको जप गरेर दिनको प्रारम्भ गर्नुहोस्। यो साताको शुभ रंग रातो र सुन्तला हो भने शुभ अंक ५ र ७ रहेको छ।

दि, दु, थ, झ, ञ, दे, दो, चा, चि

साताको प्रारम्भमा धैर्य र पराक्रममा वृद्धि हुनेछ। चासो लाग्ने कार्यमा मन लाग्नेछ। साताको मध्यमा कार्यक्षेत्रमा नयाँ उपलब्धि हासिल भएतापनि जिम्मेवारी बढ्नेछ। योग्यताको उचित मूल्यांकन हुनेछ। साताको अन्तिममा आसमर्दो कार्य बन्नाले अरु कार्यतर्फ अग्रसर भइनेछ। आयआर्जनका नयाँ स्रोतहरू बन्नेछन्। सदैव हनुमानजीको दर्शन गरेर दिनको प्रारम्भ गर्नुहोस्। यो साताको शुभ रंग निलो र बैजनी हो भने शुभ अंक ६ र ९ रहेको छ।