काठमाडौं । नेप्लिज फेशन होममा भेला भएर मिस नेवा ११३६का विजेता एञ्जल श्रेष्ठ, उपबिजेता तथा पूर्व मिस नेवाहरुले मंगलबार योमरि पुन्हि दिवस मनाएका छन् ।
सो क्रममा मिस नेवाः तथा पूर्व मिस नेवाःहरुलाई योमरि बनाउन पनि सिकाईएको थियो । पूर्व मिस नेवा मध्य सुनिता डंगोल र मिस लिटिल नेवा डिसिप्लेनकी अभिभावक पुनम शाक्यले योमरि बनाउन सिकाईन् । आफ्ना बजैहरुले घरमा योमरि बनाएर खुवाउने गरे पनि आफुहरुले कहिल्यै नबनाएको बाँकी मिस नेवाहरुले बताए । आफुहरुले सिकेको योमरि बनाउने कला आउँदा दिनमा अरुलाई पनि सिकाउने र परिवारमा योमरि बनाएर यो चाड मनाउने मिस नेवाः बिजेता, उपविजेता तथा पूर्व मिस नेवाःहरुले बताए । 
नेवारी चाड पर्व मध्यको महत्वपूर्ण पर्व योमरि पुन्हि भएकाले यो दिवस मनाईएको नेप्लिज फेशन होमकी अध्यक्ष हेमा मानन्धरले बताईन् । योमरि संस्कृति नयाँ पुस्तामा हस्तान्तरण गर्न पनि आफुहरुले मिस नेवाःहरुलाई योमरि बनाउन सिकाएको अध्यक्ष मानन्धरले जानकारी गराईन् । 
अहिले नेप्लिज फेशन होमले १२औ मिस नेवा ११३७ को आयोजना गरेको छ र इच्छुक युवतीहरुको लागि यस प्रतियोगितामा सहभागी हुनको लागि आवश्यक पर्ने आवेदन फारम यसै साता बाट खुल्ला गरेको छ ।
पुर्व मिस नेवाः हरुले योमरि बनाएको भिडियो हेर्न यहाँ क्लिक गर्नुहोस :
Liked by:
