हाम्रो जीवनमा यस्तो पलहरू आउछन् जब हामीमा निराशा हावी हुन्छ र हामीलाई लाग्छ सबै कुरा असहनीय छ । जब हामी ती क्षणहरूमा हुन्छौं, आफ्नो जीवन समाप्त गरेर यी पीडाहरू स्थायी रूपमा अन्त्य गर्ने विचारहरू आउँछन् । तर हामीलाई लागेको आत्महत्याबाट स्थायी समाधान वास्तवमा समाधान होइन । आफ्ना नजिकका र प्रियजनहरूका लागि त्यो घटना एक त्रासदी हो । त्यसैले यो समाधान होइन । प्रत्येक जीवन आफ्नै तरिकामा मूल्यवान हुन्छ, र साथ दिने हातहरू धेरै हुन्छन् । र त्यो निराशाको समय सधैंभरि रहँदैन । त्यहाँ सधैं आशाको किरण हुन्छ । अब हामी आत्महत्याको रोकथाम कसरी गर्न सक्छैा ।
१. आफूले आफूलाई नम्र भएर व्यवहार गर्नुहोस् । कठिन र निराशाको समयमा आफूलाई सम्हाल्नुहोस् ।
२. जब तपाईँ अप्ठ्यारो अवस्थामा हुनहुन्छ, आफ्नो साथीहरू, परिवार, वा मनोचिकित्सकहरूसँग कुरा गर्नुहोस् । त्यसै गरी, यदि तपाइँ आफ्नो वरपर कोही संघर्ष गरिरहेको महसुस गर्नु भइरहेको छ भने उनीहरूलाई सुन्नुहोस् । यसले उनीहरूको बोझ कम गर्न मद्दत गर्न सक्छ ।
३. जसरी तपाईंको शरीरमा घाउ लाग्दा ध्यान दिनुहुन्छ, त्यसरी नै तपाईले मानसिक स्वास्थ्यलाई प्राथमिकता दिनुहोस् । मानसिक स्वास्थका लागि गतिविधिहरूमा संलग्न हुनुहोस् जसले तपाईंलाई आनन्द दिन्छ ।
४. कोहि मान्छेहरू तनावमा हुँदा तिनीहरूमा हुने लक्षणहरूको थाहा पाउनुहोस् । व्यवहारमा परिवर्तन, अत्यधिक उदासी, वा निराशाको अभिव्यक्ति केहि संकेत हुन सक्छ र यी संकेतहरूमा समयमै ध्यान दिन सकियो भने समयमै सहायता दिई मद्दत गर्न सकिन्छ ।
५. मानसिक स्वास्थ्य र आत्महत्या रोकथामको बारेमा खुला रुपमा कुराकानी गर्नाले आवश्यक पर्ने व्यक्तिलाई कुरा गर्न प्रोत्साहित गर्छ ।
हामी सबै चुनौतीहरूको बीचमा जीवन यापन गरिरहेका हुन्छैाँ, हाम्रो कोशिस भनेको जीवनमा राम्रो पेहलु हेर्नुपर्छ । प्रियजनहरूसँग समय बिताउनुले धेरै फरक पर्छ । आत्महत्या रोकथाम व्यक्तिगत प्रयासले संभव छैन, यो सामूहिक प्रयास हो । आफ्नो ख्याल गर्नुहोस् र अरूलाई मद्दत गर्नुहोस् ।
Liked by:
